Castellano | Euskara | English

Zer da eduroam?

eduroam (education roaming hitzen laburdura) elkarte akademikoarentzat eta ikertzaileentzat garatutako mugikortasun seguruko mundu mailako zerbitzua da.

Zerbitzu horri esker, ikasle, ikertzaile eta partaide diren erakundeetako langileek Interneterako konexioa izaten dute euren campusaren bitartez, baita beste erakunde partaide batzuk bisitatzen dituztenean ere.

Argibide gehiago eduroam-en orri ofizialean eta eduroam Espainiako orri ofizialean.


Zelan funtzionatzen du?

Deustuko Unibertsitatetik kanpo eduroam WiFi sarera konektatzean, zure konexioko datuak era seguruan bidaliko dira DUra autentifikatzeko eta zu zauden erakundeko WiFi konexioa erabiltzeko baimena emateko.

Deustuko Unibertsitatearen campusetariko batean bazaude, prozesua tokian bertan egingo da.


Erabiltzailea eta pasahitza

Langileak

Ikasleak


Instalazioa

eduroam konfiguratzeko erarik gomendagarriena da eduroam CAT (Configuration Assistant Tool) erabiliz egitea. Instalatzailea cat.eduroam.org webean aurkituko duzu.

Instalatzailea jaisteko, jarraitu hurrengo pausuak:

  1. Adierazi zein taldetakoa zaren: "Estudiante" (ikaslea) ala "PAS/PDI" (administrazio eta zerbitzuetako langilea/irakaslea edo ikertzailea).
  2. Aukeratu zein sistema eragiletan edo plataformatan konfiguratu nahi duzun eduroam.

Gidak hau begiratu:

  1. Androiden instalazioa egiteko: Gida
  2. Macaren instalazioa egiteko: Bideoak
  3. Windowsen instalazioa egiteko: Bideoak

Edozein zalantza edo zailtasun izanez gero, IKTen Gelarekin jarri zaitezke harremanetan. http://aulatic.deusto.es aurkituko dituzu ordutegiak, kokapena eta harremanetan jartzeko modua.

Gogoratu UDGUEST unibertsitateko guneetara mugatuta dagoela. Hemendik aurrera, Deustuko Unibertsitateko bisitariei eta gonbidatuei WiFi estaldura ematera bideratuko da. Ez erabili. Erabili eduroam.


Konfigurazioko gidak

Zure gailua/plataforma eskuragarri ez badago eduroam CATen, hemen aurkituko dituzu eduroam-era konektatzeko gidak:

Hemen ageri ez den gailu edo plataforma batean konfiguratu baduzu eduroam, mesedez bidali jarraitu beharreko pausuen zerrenda txiki bat, pantailen kanturekin ahal dela. Zure ekarpenak lagundu egingo die beste pertsona batzuei.

Ziurtagiria Windowsen instalatzeko:

  1. Jaitsi ziurtagiria.
  2. Egin klik eskumako botoiaz fitxategiaren gainean eta aukeratu "Instalatu ziurtagiria".
  3. Jarraitu prozesua, honako ohar hau agertu arte: "Inportazioa egoki egin da".

Orri honetan ageri den konfigurazioak eduroam-era atxikitako edozein erakundetan funtzionatu beharko luke. Hala ez bada, baliteke arazoren bat egotea bisitatutako erakundean.

Ez onartu Deustuko Unibertsitatea ez den beste erakunde bateko konfiguraziorik (ez ziurtagiririk), eta kontsultatu eduroam@deusto.es helbidean eduroam beste era batera konfiguratzeko iradokitzen badizute.

Eduroam-en parte hartzen duten erakundeak

Espainian parte hartzen duten erakundeen zerrenda osoa aurkituko duzu hemen.

Eduroam-ek Espainan duen ezarpenaren mapa

Eduroam-ek mundu mailan duen ezarpenaren mapa


Zehaztasun teknikoak


Eduroam-erako euskarria

eduroam@deusto.es